काठमाडौँ। नेपाली सेनाको अधिकृत हुँ भन्दै ठगी गर्ने एकजना पक्राउ परेका छन्।
पक्राउ पर्नेमा रामेछापको मन्थली नगरपालिका–३ घर भइ हाल भक्तपुरको मध्यपुर थिमी नगरपालिका–४ मा बस्दै आएका ३० वर्षीय राजु कार्की रहेका छन्। कार्कीले आफू नेपाली सेनाको अधिकृत रहेको भन्दै पीडितसँग भएका सुनका गरगहना धितो राखेर रकम दिन भनेका थिए। त्यसका लागि उनले आफूसँग भएको जग्गा पीडितको नाममा पास गरिदिन्छु भनेर तीन लाख रुपैयाँ लिए।
तर रकम लगिसकेपछि फिर्ता गर्नेबेला उनी फरार भए। त्यसपछि पीडितले आफू ठगिएको थाहा पाइन्। र प्रहरीकहाँ उजुरी लिएर गइन्। उजुरीपछि काठमाडौं उपत्यका अनुसन्धान कार्यालयको टोलीले उनलाई पक्राउ गरेको हो।
