काठमाडौं। घरमै घुसेर लुटेराले चक्कु प्रहार गरेपछि घाइते बलिउड नायक सैफ अलि खान स्वास्थ्यमा सुधार आएको छ ।
बिहीबार बिहानै चक्कु प्रहारबाट घाइते भएका सैफको स्वास्थ्य अवस्थामा सुधार आएको मुम्बईस्थित लीलावती अस्पतालले जनाएको छ । अस्पतालका डाक्टर नितिन डांगीका अनुसार सैफको स्वास्थ्य अवस्था स्थिर रहेको छ ।
उनको स्वास्थ्यमा पहिले भन्दा सुधार आएको पनि उनको भनाइ छ । उपचारका संलग्न चिकित्सकहरूका अनुसार अहिले सामान्य हिँडडुल गर्न सक्ने भएका छन् उनी । यद्यपि उनलाई धेरै हिँडडुल गर्न भने दिइएको छैन ।
चक्कु आक्रमणबाट उनको कुम, हात र टाउकोमा गरी ६ वटा चोट लागेको छ । लीलावत अस्पतालका अनुसार सैफको गर्धन नजिकको मेरुदण्ड हड्डीबाट चक्कुको एक टुक्रा सल्यक्रिया गरि निकालिएको छ । यो सहित उनको दुवै हातमा गहिरो चोट छ ।
जसमध्ये २ वटा गम्भीर चोट रहेको चिकित्सकले बताएका छन् । कम्मर र घाँटीनेर अपरेसन भइसकेको पनि अस्पतालले जनारएको छ । यद्यपि उनी नै आक्रमणकारी हुन् वा होइनन् भन्नेबारे अनुसन्धान जारी रहेको प्रहरीले जनाएको छ । आक्रमणकारीलाई पक्राउ गर्न प्रहरीको २० टिम सक्रिय रहेको छ । बिहीबार बिहान साढे २ बजेतिर एक अज्ञात व्यक्ति सैफकफ फ्ल्याटमा छिरेर चक्कु हानेका थिए ।
