जनकपुर । जनकपुरधामस्थित दुर्गा मन्दिर परिसरमा एक पुरुषको शव फेला परेको छ ।
जनकपुरधाम उपमहानगरपालिका ४ स्थित दुर्गा मन्दिरमा अन्दाजी ६० वर्षको पुरुषको शव फेला परेको धनुषा प्रहरीले जनाएको छ ।
इँटा प्रहार गरी उनको हत्या गरेको जस्तो देखिएकोले प्रहरीले जनाएको छ । मृतकको पहिचान खुल्न नसकेको धनुषाका प्रहरी प्रवक्ता डीएसपी वरुणबहादुर सिंहले जानकारी दिए ।
मृतक पुरुषको शव पोस्टमार्टमका लागि प्रादेशिक अस्पताल लगिएको छ । घटना शंकास्पद देखिएको र यसबारे अनुसन्धान भईरहेको प्रहरीले जनाएको छ ।
