काठमाडौँ । । नेपाल प्रिमियर लिगको इलिमिनेटरअन्तर्गतमा चितवन राइनोजलाई हराउदै कर्णाली याक्स दोस्रो क्वालिफायरमा पुगेको छ । बुधबार भएको खेलमा कर्णालीले चितवनलाई २१ रनले हराएको हो ।
कर्णालीले जितको लागि दिएको १७६ रनको लक्ष्य पछ्याएको चितवनले निर्धारित २० ओभरमा ९ विकेट गुमाएर जम्मा १५४ रन बनायो । चितवनको लागि रवि भोपराले अर्धशतक बनाए । उनले ३४ बलमा ३ चौका र ४ छक्का प्रहार गर्दै ५३ रन बनाए । यस्तै, कुशल मल्लले २१, विपिन रावतले १८ र लुक बेनस्टिनले १६ रन बनाए ।
चितवनमाथि जित हासिल गर्न जिसन मक्सुदले तीन विकेट लिए । यस्तै, सोमपाल कामि र नन्दन यादवले समान दुई विकेट लिदा विपिन शर्माले एक विकेट लिए ।
यसअघि टस हारेर पहिला ब्याटिङ गरेको कर्णालीले निर्धारित २० ओभरमा ६ विकेट गुमाउँदै १७५ रन बनाएबो थियो। कर्णालीका ओपनर जयकिशन कोल्सावाला र विलियम बोसिस्टाले अर्धशतक प्रहार गरे । जयकिशन ५३ र विलियमले ५२ रन बनाए । विलियमले जयकिशनसँग ५९ र चाडविक वाल्टनसँग ६७ रनको साझेदारी गरेका थिए । वाल्टन ४६ रनमा अविजित रहे । जिसन मक्सदुले १४ रन जोड्दा देव खनाल ३ र गुल्सन झा ० रनमा आउट भए ।
बलिङतर्फ चितवनका सोहिल तवविरले २, शरद भेषावकर, कप्तान कुशल मल्ल र रवि बोपाराले एकएक विकेट लिएका थिए ।
अब कर्णाली याक्सले फाइलन प्रवेशका लागि पहिलो क्वालिफायरमा पराजित भएको टोलीसँग खेल्नेछ । पहिलो क्वालिफायरमा आज जनकपुर बोल्टस् र सुदूरपश्चिम रोयल्स भिड्दैछन् ।
