एजेन्सी । भारतका अफ स्पिनर रविचन्द्रन आश्विनले सन्यासको घोषणा गरेका छन् । ३८ वर्षको उमेरमा अश्विनले अन्तर्राष्ट्रिय क्रिकेटबाट सन्यासको घोषणा गरेका हुन्।
उनले बोर्डर(गावस्कर ट्रफीको बीचमा सन्यासको घोषणा गरेर क्रिकेट जगतलाई चकित पारेका छन् । गाब्बा टेस्ट खेल बराबरी भएपछि अश्विनले पत्रकार सम्मेलनमा यसको आधिकारिक घोषणा गरेका हुन्।
‘आज मेरो अन्तर्राष्ट्रिय क्रिकेटरको रूपमा अन्तिम दिन हो। एक अन्तर्राष्ट्रिय क्रिकेटरको हैसियतमा म अब खेलसँग जोडिने छैन, तर कुनै न कुनै रूपमा खेलसँग आवद्ध रहनेछु’, आर अश्विनले भने ।
२८७ अन्तर्राष्ट्रिय खेल खेलेका अश्विन अब अन्तर्राष्ट्रिय क्रिकेट नखेल्ने भएका छन् । तर, उनले आइपिएल खेल्ने क्रम जारी राख्नेछ । सीएसकेले अश्विनलाई आईपीएल २०२५ मा ९.७५ करोडमा किनेको थियो ।अश्विन ७ वर्षपछि सीएसकेमा फर्किएका छन् । उनले सन् २००९ मा चेन्नई बाट खेल्दै आईपीएलमा डेब्यु गरेका थिए । अश्विनले आईपीएलमा राजस्थान रोयल्स, आरसीबी र लखनऊ सुपर जाइन्ट्सबाट खेलिसकेका छन्।
