एजेन्सी । बोर्डर- गावस्कर ट्रफीमा भारत र अष्ट्रेलियाबीचको तेस्रो टेस्ट वर्षाका कारण बराबरीमा सकिएको छ ।
ब्रिस्बेनको द गाबा मैदानमा बुधबार भएको खेलमा अस्ट्रेलियाले भारतलाई जितको लागि २७५ रनको लक्ष्य दिएको थियो । तर भारतले दोस्रो इनिङ्समा भारतले ८ रन बनाएर खेलिरहदा वर्षा बाधक बन्दा खेल रद्द हुन पुग्यो ।
शृङ्खलामा भारत र अष्ट्रेलिया १–१ को बराबरीमा छन्। भारतले पहिलो टेस्ट २९५ रनले जितेको थियो भने दोस्रो टेस्ट अष्ट्रेलियाले १० विकेटले जितेको थियो।
अष्ट्रेलियाले पहिलो इनिङ्समा सबै विकेट गुमाएर ४ सय ४५ रन बनाएको थियो । जवाफमा भारतीय टोलीले पहिलो इनिङ्समा २ सय ६० रन बनाएको थियो । कंगारु टोलीले ८९र७ मा दोस्रो इनिङ्स घोषणा गरेको थियो । यस्तो अवस्थामा भारतलाई जितका लागि अन्तिम दिन २७५ रन जोड्नु परेको थियो । अर्कोतर्फ अष्ट्रेलियालाई यो खेल जित्न १० विकेटको आवश्यकता थियो । तर, खेलमा वर्षा बाधक बन्दा खेल ड्र गर्ने निर्णय भयो ।
अष्ट्रेलियाका लागि ट्राभिस हेड र स्टिभ स्मिथले पहिलो इनिङ्समा शतक बनाए । यी दुईबीच चौथो विकेटका लागि करिब २४० रनको साझेदारी भएको थियो । स्टिभ स्मिथले १९० बलमा १०१ रनको इनिङ खेले । जहाँ हेडले १६० बलमा १५२ रन बनाए । यस अवधिमा उनले १८ चौका प्रहार गरे । विकेटकिपर एलेक्स क्यारीले पनि ७० रनको महत्वपूर्ण इनिङ खेले । भारतका लागि जसप्रित बुमराहले ६ विकेट लिए । उनका अलावा मोहम्मद सिराजले २ तथा आकाशदीप र नितिश रेड्डीले १र१ विकेट लिए ।
भारतीय टोली पहिलो इनिङ्समा २६० रनमा अलपत्र परेको थियो । टोलीले खराब सुरुवात गरेको थियो र शीर्ष क्रममा केएल राहुलले मात्र राम्रो ब्याटिङ गरे। राहुलले १३९ बलमा ८४ रनको इनिङ खेले । उनका अलावा यशस्वी जैसवालले ४, शुभमन गिलले १, विराट कोहलीले ३, पन्तले ९ र रोहित शर्माले १० रन बनाए । तल्लो क्रममा रविन्द्र जडेजाले ७७ रनको इनिङ खेले । जसप्रित बुमराहको अविजित १० रन र आकाशदीपको ३१ रनका कारण तल्लो क्रममा फलोअनको खतरा टरेको थियो।
अष्ट्रेलियाले दोस्रो इनिङ ८९–७ मा घोषित गरेको थियो । यस क्रममा बुमराहले ३, सिराजले २ र आकाशदीपले २ विकेट लिए । जवाफमा वर्षाअघि भारतले कुनै विकेट नगुमाई ८ रन बनाएको थियो ।
अब भारत र अष्ट्रेलियाबीचको चौथो खेल मेलबर्नको एमसीजी मैदानमा २६ डिसेम्बरबाट हुनेछ ।
