नेपाल पत्रकार महासंघको निर्वाचनमा सभापतिका प्रत्याशी निर्मला शर्माले तीन हजार ६१० मत सहित अग्रता बनाएकी छिन् । उनका निकटतम प्रतिस्पर्धी रमेश विष्टले दुई हजार ६७० मत पाएका छन् ।
पछिल्लो मतगणनाको परिणाम अनुसार निर्मला शर्माले ९४० मतको अग्रता लिएकी छिन् ।
प्रेस चौतारी र प्रेस युनियनका तर्फबाट साझा उम्मेदवार बनेकी निर्मला शर्मा महासंघको सभापति बन्ने लगभग पक्का भएको छ । हालसम्म उपत्यका, कोसी, गण्डकी, लुम्बिनी, बाग्मती, प्रतिष्ठान, एसोसिएट, सुदूरपश्चिम (बाजुरा, बझाङ बाहेक) को गणना भइसकेको निर्वाचन समिति स्राेतले बताएको छ ।
अहिले कर्णाली र मधेशको मतगणना भइरहेको बताइएको छ । यद्यपि निर्वाचनको पूर्ण नतिजा आइसक्न दुई तीन दिन लाग्ने छ । महासंघका पूर्व वरिष्ट उपाध्यक्ष रमेश विष्टलाई नेकपा (माओवादी केन्द्र) निकट पत्रकारहरुको संस्था प्रेस सेन्टरले समर्थन गरेको छ ।
