विराटनगर । सहकारी ठगी प्रकरणमा संघीय संसदको सार्वजनिक लेखा समिति सभापति ऋषिकेश पोखरेलकी श्रीमती अञ्जला कोइरालासहित २६ जना विरुद्ध मुद्दा दायर भएको छ ।
मोरङको धनपालथान गाउँपालिका–३ स्थित उमागौरी कृषि सहकारी संस्थाको रकम हिनामिना गरेको आरोपमा बिहीबार सरकारी वकिलको कार्यालयले कोइरालासहित २६ जनाविरुद्ध जिल्ला अदालतमा मुद्दा दायर गरेको हो ।
सरकारी वकिलको कार्यालय मोरङले सहकारी ऐन २०७४ को दफा १२२ अनुसार २६ जनालाई प्रतिवादी बनाएको छ । सहकारीका पूर्वसञ्चालक अञ्जला कोइरालासहित हालका अध्यक्ष शम्भुप्रसाद रौनियार, सहकारीका उपाध्यक्ष लक्ष्मण साह, सचिव आलम अन्सारी मियाँ, कोषाध्यक्ष शम्भुप्रसाद सिंह, सञ्चालक समिति सदस्य आमोद मण्डल, रोशन राजवंशी, जितमान ठाकुरलगायत २६ जनालाई प्रतिवादी बनाइएको छ ।
