वेष्टइण्डिजका पूर्व कप्तान एवं प्रख्यात क्रिकेटर ब्रायन लारा काठमाडौं आइपुगेका छन्।
शुक्रबार बिहान उनी त्रिभुवन अन्तर्राष्ट्रिय विमानस्थलमा अवतरण गरेका नेपाल क्रिकेट संघले जनाएको छ । उनी क्यानको निमन्त्रणामा नेपाल आएका हुन्।
विमानस्थलमा उनलाई क्यानका पदाधिकारीहरूले स्वागत गरेका थिए ।
लाराले जारी नेपाल प्रिमियर लिग (एनपिएल)मा खेलाडीहरूसँग पनि साक्षात्कार गर्ने बताइएको छ।
लाराले वेस्टइन्डिजका लागि १३१ टेस्टमा झण्डै १२ हजार रन बनाएका छन् भने २९९ ओडिआई खेल्दा १० हजारभन्दा धेरै रन बनाएका छन्।
