काठमाडौँ । नेपाल प्रिमियर लिगमा पोखरा एभेन्जर्सले सुपर ओभरमा विराटनगर किंग्सलाई हराएको छ ।
सुपर ओभरका पोखराले दिएको १९ रनको लक्ष्य पछ्याएको विराटनगरले जम्मा ५ रन बनायो । पोखराका रेमन रेफरले उत्कृष्ट बलिङ गरे ।
यसअघि पोखराको लागि एन्ड्रिज गौस र रेमन रेफरले १८ रन बनाएका थिए । सुपर ओभरमा बलिङ गर्न आएका सन्दीप लामिछानेको बलमा रेफरले दुई छक्का र एक चौका प्रहार गरेका थिए ।
विराटनगरले दिएको १४० रनको लक्ष्य पछ्याएको पोखराले निर्धारित २० ओभरमा ६ विकेट गुमाएर १३९ रन बनाएपछि खेल सुपर ओभरमा धकेलिएको थियो ।
