कैलाली । कमेडी च्याम्पियन –२ का प्रतिस्पर्धी हिक्मत महराको मोटरसाइकल दुर्घटनामा निधन भएको छ ।
मंगलबार साँझ कैलालीको गोदावरीमा भएको मोटरसाइकल दुर्घटनामा परी उनको मृत्यु भएको हो ।
महराले चलाएको २ प ९११७ नम्बरको मोटरसाइकल गोदावरी मन्दिर नजिक रोकिराखेको ट्रकमा अनियन्त्रित भएर ठोक्किदा उनी गम्भीर घाइते भएका थिए ।
महराको सेती प्रादेशिक अस्पताल धनगढीमा उपचारका क्रममा मृत्यु भएको जिल्ला प्रहरी कार्यालय कैलाली प्रहरी निरीक्षक दर्शन खड्काले जानकारी दिए ।
कमेडी च्याम्पियनको दोस्रो सिजनमा भाग लिएका हिक्मत उत्कृष्ट ४ सम्म पुगेका थिए ।उत्कृष्ट ४ बाट भने उनी भोटको आधारमा बाहिरिएका थिए ।
