काठमाडौँ । नेपाल प्रिमियर लिगअन्तर्गत बुधबारको पहिलो खेलमा सुदूरपश्चिम रोयल्सले जनकपुर बोल्ट्सलाई हरायो । उक्त खेलमा सुदूरपश्चिमले जनकपुरलाई ७२ रनले हराएको हो ।
सुदूरपश्चिमका बलर हाबि हुँदा जनकपुर १२ ओभरमा नै अलआउट भयो । जनकपुरका जोसुवा ट्रम्पबाहेक कसैले नि दोहोरो अंकमा रन बनाउन सकेनन् ।ओपनरद्वय अनिलकुमार शाह र आसिफ शेखसहित टप अर्डर ब्याटर लाहिरु मिलान्था, हर्ष थाकर र शुभ कंशाकार पावरप्ले मै आउट भएका थिए । अनिल शून्य, आसिफ ४, लाहिरु ७, हर्ष ५ र शुभ शून्य रनमा आउट भए ।
जनकपुरलाई ५१ रन मै समेट्न सुदूरपश्चिमका सुदूरपश्चिमका कप्तान दीपेन्द्रसिंह ऐरी, इशान पाण्डे र हर्मित सिंहले समान दुई दुई विकेट लिए । कप्तान ऐरीले जनकपुर बोल्ट्सका जिमी नीशमको विकेट लिएपछि उल्टी जम्प गरेर सेलिब्रेसन गरेका थिए । उनको उक्त सेलिब्रेसन दर्शकहरुले रुचाएका छन् । ६ं२ ओभरमा नीशम आउट हुँदा जनकपुरले ६ विकेट गुमाउदै जम्मा ३७ रन बनाएको थियो ।
