काठमाडौँ । दक्षिण तथा मध्य एसिया हेर्ने अमेरिकी सहायक विदेशमन्त्री डोनाल्ड लु नेपाल आएका छन् । दक्षिण एशिया भ्रमणको क्रममा विदेशमन्त्री लु काठमाडौँ आईपुगेको नेपालस्थित अमेरिकी दूतावासले जनाएको छ ।
दूतावासका अनुसार भ्रमणको क्रममा विदेशमन्त्री लुले काठमाडौँमा नेपाल सरकारका नेतृत्वकर्ताहरूसँग शिष्टाचार भेट र नागरिक समाजसँग कुराकानीको कार्यक्रम तय भएको छ ।
सो क्रममा विदेशमन्त्री लुले अमेरिका–नेपाल सम्बन्धलाई मजबुत बनाउने र वातावरणीय सुरक्षा, महिला सशक्तिकरण, सांस्कृतिक संरक्षण, र दिगो विकासजस्ता मुख्य क्षेत्रहरूमा दुई देशबीचको सहकार्यलाई अघि बढाउने प्रतिबद्धता प्रस्तुत गर्नेछन् ।
