सप्तरी। राजविराजस्थित जिल्ला खेलकुद विकास समितिको भवनको झ्यालमा बाँधिएको अवस्थामा एक कर्मचारी मृत अवस्थामा भेटिएका छन् ।
राजविराजस्थित गजेन्द्र नारायण सिंह सगरमाथा अस्पतालमा कार्यरत ४० वर्षीय सुधीर कुमार झा झ्यालमा बाँधिएको अवस्थामा मृत भेटिएका हुन् ।
छिन्नमस्ता गाउँपालिका ५ गोविन्दपुर घर भएका झा अस्पतालको टिकट काउन्टरमा कार्यरत थिए । झ्यालमा बाँधिएको अवस्थामा भेटिएका झाको दुवै खुट्टा भुईँमा देखिएकाले घटना शङ्कास्पद देखिएको सप्तरीका प्रहरी प्रवक्ता डिएसपी जितेन्द्र कुमार बस्नेतले जानकारी दिए ।
घटना शङ्कास्पद रहेको र थप अनुसन्धान भइरहेको डिएसपी बस्नेतले बताए ।
