राज्यले रविमाथि प्रतिशोध साँधेर दुःख दिईराखेको छः बाबुराम भट्टराई

पोखरा । पूर्वप्रधानमन्त्री तथा नेसपाका अध्यक्ष डा बाबुराम भट्टराईले कास्की पुगेर प्रहरी हिरासतमा रहेका रास्वपा सभापति रवि लामिछानेलाई भेट गरेका छन् ।

कास्की जिल्ला प्रहरी कार्यालयको हिरासतमा रहेका लामिछानेलाई शुक्रवार बिहान भेटेर फर्किने क्रममा सञ्चारकर्मीहरुसँग बोल्दै डा भट्टराईले उनीमाथि अनेक काण्ड लगाएर दुःख दिइएको बताए ।

राज्यले रविमाथि राजनीतिक प्रतिशोध साँधेको हो कि भन्ने आशंका लागेको बताउदै डा भट्टराईले भने, ‘विभिन्न ढंगले एकपछि अर्को गरेर दुख दिने काम भइराखेको छ । यो अलि अस्वाभाविक र अन्याय पूर्ण भयो भनेर मैले आफ्नो ऐक्यबद्धता जनाउन यहाँ आएको हु ।’

लामिछानेमाथि कास्की प्रहरीले सहकारी ठगी र सङ्गठित अपराध मुद्दामा अनुसन्धान गरिरहेको छ ।