मोरङ । मोरङको बूढीगङ्गा गाउँपालिका–३ का ६० वर्षीय कोरोना सङ्क्रमित वृद्धको उपचारको क्रममा विराट शिक्षण अस्पतालमा मृत्यु भएको छ ।
बुढीगङ्गास्थित शिक्षण अस्पतालको आइसोलेसनमा उपचाररत वृद्धको मङ्गलबार राति मृत्यु भएको आइसोलेसन प्रमुख सुनिल देवले जानकारी दिए ।
मृतकलाई यही असोज १५ गते कोरोना सङ्क्रमण पुष्टि भएपछि आइसोलेसनमा उपचारका लागि भर्ना गरिएको थियो । उनी श्वासप्रश्वास र मृगौलासम्बन्धी दीर्घ रोगी थिए ।
