काठमाडौँ । स्थानीय तहमा रिक्त विभिन्न ४१ पदका लागि देशका विभिन्न स्थानमा शान्तिपूर्ण रूपमा मतदान भइरहेको छ ।
बिहान ७ बजेबाट सुरु भएको मतदान २ बजेसम्म ५० प्रतिशत भन्दा बढी मत खसेको निर्वाचन आयोगका सचिव रबिलाल पन्थले जानकारी दिए ।
आयोगले उपनिर्वाचनमा ६० प्रतिशत बढी मत खस्ने अनुमान गरेको छ ।
नगरपालिका प्रमुख, उपप्रमुख, गाउँपालिका प्रमुख, उपप्रमुख र वडाध्यक्षका लागि ४१ पदमा ३७६ जना उम्मेदवार मैदानमा छन् । उपनिर्वाचनका लागि १६२ मतदान स्थल र २९३ मतदान केन्द्र तोकिएको छ ।
