काठमाडौ । नेपाल स्थित अमेरिकी राराजदूत र्यान्डी बेरीले विश्व खाद्य दिवसको शुभकामना दिदै नेपाली मौलिक खानाले आफूलाई निकै लोभ्याएको जनाउनु भएको छ । सामाजिक संञ्जाल फेसबुक मार्फ नेपालका बिभिन्न स्थान भ्रमण गर्दा खिचेका खाना सहितको तस्बिर राख्दै राजदूत बेरीले कोभिड –१९ का कारण आफूलाई मन परेको खानाहरु घुमफिर गरेर खाना नपाएको अनुभब राख्नु भएको छ ।
राजदूत बेरीले लेख्नुभएको छ –हेलो खानेकुरा प्रेमीहरू, विश्व खाद्य दिवसको शुभकामना। कोभिड १९को कारणले बाहिर निस्केर चाख्ने खानेकुरामा तपाईंले सबैभन्दा बढी सम्झिने चीज के हो?
राजदूत बेरीलाई बौद्धको मम ,नेपालगंजको विरयानी,जनकपूरको लस्सी, ईलामको छुर्पी, मुस्ताङको चिया, पाटनको बारा, थकाली खाना आफूलाई मन परेको भन्दै ती खाना खादै गरेको फोटोहरु पोष्ट गर्नुभएको छ । उहाँले यो लिस्टमा छुटेको केही छ भने थप लिस्ट बनाउन सहयोग समेत माग्नु भएको छ ।
