• १६ चैत्र २०७९, बिहीबार
  •      Thu Mar 30 2023
  •   Unicode
Logo
Latest
★   ११ बुँदे घोषणापत्र जारी गर्दै सकियो न्यायिक समिति राष्ट्रिय सम्मेलन ★   तनहुँ १ मा एमालेबाट पूर्वआईजीपी खनालसहित ६ जनाको नाम सिफारिस ★   मेची राजमार्गमा सधैँ जमिन भासिने र पहिरो खस्ने समस्या ★   न्यायिक समिति राष्ट्रिय सम्मेलनबाट ११ बुँदे न्यायिक समिति काठमाडौं घोषणा ★   पूर्वाग्रहले न्याय हुँदैनः का.मु. प्रधानन्यायाधीश कार्की ★   एसइई परीक्षाको तयारी पूरा, जापानमा पनि परीक्षा केन्द्र ★   बागमती प्रदेशः एक लाखले एसइई परीक्षा दिँदै ★   ‘डिपार्टेड डन’ लाई भारतको तीन अवार्ड ★   बालुवाटारमा सत्तारुढ दलको बैठक जारी, मन्त्रिपरिषद् विस्तारबारे छलफल ★   बालउद्धार माध्यमिक विद्यालयमा कक्षा १२ का विद्यार्थीलाई बिदाई

न्युजपोलार डटकमको प्रधानसम्पादकमा सुशील अर्याल नियुक्त



काठमाडौं । न्युजपोलार डटकमको प्रधानसम्पादकमा पत्रकार सुशील अर्याल नियुक्त भएका छन् । 

नेपाली पत्रकारितामा दुई दशक लामो अनुभव रहेका पत्रकार अर्यालले विसं २०५७ मा रेडियो सगरमाथाबाट पत्रकारिता शुरु गरेका थिए । उनीसँग च्यानल नेपाल, सगरमाथा टेलिभिजन, न्यूज २४ र हिमालय टेलिभिजनमा विभिन्न पद र जिम्मेवारीमा रही काम गरेको अनुभव छ ।

टेलिभिजन पत्रकारितामा विशेष दख्खल राख्ने अर्याललाई थर्ड पोल ग्रुपले सो ग्रुपद्वारा सञ्चालित न्युजपोलार डटकमको प्रधानसम्पादकमा नियुक्त गरेको हो ।

नयाँ जिम्मेवारी सम्हालेसँगै प्रधानसम्पादक अर्यालले नेपाली पत्रकारिताको नयाँ आयामका रुपमा विकास भएको अनलाइन पत्रकारितालाई समयानुकूल अधिकतम उपयोग गरी श्रव्यदृश्य सामग्रीहरुलाई अनलाइनमा प्रयोग गरी अघि बढाउने बताए ।  

संसारमा पत्रकारिता डिजिटल स्वरुपमा प्रवेश गरेसँगै गएको करिब सात महिनादेखि जारी कोभिडको विश्वव्यापी महामारीका कारण नेपाली पत्रकारिता पनि कागजी र अरु परम्परागत स्वरुपबाट डिजिटल स्वरुपमा गइरहेका बेला आफू पनि यही नयाँ आयाममा समाहित हुन पुगेको भन्दै प्रधानसम्पादक अर्यालले नेपालको अनलाइन पत्रकारितामा नयाँ आयामहरुको अभ्यास गर्ने बताए । 

पत्रकारिताको मूल मर्म र धर्म नै सही र साँचो समाचार जनतालाई पस्किनु र सूचनामा सबै नागरिकको पहुँच पुर्याएर थप विस्तार गर्नु हो भन्दै त्यही मर्मअनुरुप आजसम्म पत्रकारिताको मैदानमा रहेको र आगामी दिनमा पनि पत्रकारिताको यही मान्यतालाई थप मलजल गर्ने उनले प्रण गरे ।