लन्डनः इङलिस प्रिमियर लिगमा डिफेन्डिङ च्याम्पियन लिभरपुलले शनिबार एभर्टनसँग बराबरी खेलेको छ ।
टिम बराबरीमा रोकिए पनि लिभरपुलका मोहम्मद सलाहका लागि अविस्मरणीय क्षण रह्यो । उनले इङलिस प्रिमियर लिगमा लिभरपुलका लागि १०० गोल गरेका छन् ।
लिभरपुलले दबाबमा राखेको उक्त खेलमा साडिओ मानेले तेस्रो मिनेटमै गोल गरेका थिए । तर एभर्टनका माइकल किनले १९औं मिनेटमा गोल फर्काए । त्यसपछि दुबै टिमबाट पहिलो हाफमा कुनै गोल हुन सकेन ।
दोस्रो हाफमा ७२औं मिनेटमा मोहम्मद सलाहले लिभरपुलका लागि गोल गरे । तर त्यसको ९ मिनेटपछि अर्थात ८१औं मिनेटमा एभर्टनका निकै फर्ममा रहेका फर्वार्ड डोमिनिक काल्भर्ट–केविनले गोल गरे ।
खेलको ९०औं मिनेटमा एभर्टनले आफ्नो डिबक्सभित्र फल गरेको भन्दै रिचार्लीसनलाई रेफ्रीले रातो कार्ड देखाएका थिए ।
निकै तनाबपूर्ण खेलको ९२औं मिनेटमा लिभरपुलका लागि जोर्डन हेन्डरसनले गोल गरेका थिए, तर रेफ्रीले भिएआरको सहायता लिएर त्यसलाई अफसाइड घोषित गरिदिए ।
शनिबार नै चेल्सी र साउथह्याम्प्टन तथा म्यान्चेस्टर सिटी र आर्सनलबीच खेल हुँदैछ ।
लिगकाे अंक तालिकामा एभर्टन ५ खेलबाट १३ अंक सहित शीर्ष स्थानमा छ । लिभरपुल भने १० अंक सहित तेस्राे स्थानमा छ ।
एजेन्सी
