जुम्ला। जुम्ला सिँचाइ कार्यालयमा दरबन्दीअनुसारको कर्मचारी नहुँदा सेवा प्रवाहमा समस्या हुँदै आएको छ ।
कार्यालयमा प्रविधिक कर्मचारीको दरबन्दीअनुसारका लामो समयसम्म पदपूर्ति हुन नसक्दा कार्यालयको सेवा प्रवाहमा समस्या भएको कार्यालय प्रमुख अङ्कलबहादुर महतले जानकारी दिनुभयो ।
कार्यालयमा २१ दरबन्दीमध्ये अहिलेसम्म ११ वटा पदपूर्ति भएको छ । अझै १० वटा पदपूर्ति हुन सकेको छैन ।
दरबन्दीअनुसार कर्मचारी हुनुपर्ने भए पनि हालसम्म पदपूर्ति हुन नसकेको कार्यालय प्रमुख महतको भनाइ छ ।
दरबन्दीअनुसार अधिकृत छैटाँै इन्जिनियर दुई, सव–इन्जिनियर पाँचौँ तीन, प्रविधिक सहायक चौथो तीन र ऊर्जा प्रविधिक दुई जना कर्मचारी रिक्त रहेका छन् ।
कर्मचारी अभाव हुँदा सेवा प्रवाहमा ढिलासुस्ती र जनताको गुनासो आउने गरेको प्रमुखले बताउनुभयो ।रासस
