काठमाडौं । गण्डकी मेडिकल कलेज पोखरामा उपचाररत एकजना कोरोना संक्रमित मृत्यु भएको छ । पोखरा महानगरपालिका–२२ का ४४ वर्षीय पुरुषको मंगलबार मृत्यु भएको छ ।
मृतक पुरुषको सोमबार कोरोना संक्रमण पुष्टि भएको थियो । उनमा निमोनिया र श्वासप्रश्वाससम्बन्धी समस्या रहेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले बताए ।
गण्डकीमा कोरोना संक्रमणबाट मृत्यु हुनेको संख्या ५५ पुगेको छ ।
