काठमाडौं । ढल्केबार सवस्टेसनमा ४०० के झिनो लोडमा चार्ज भएको छ । यो नेपालको विद्युत क्षेत्रको लागि एउटा महत्वपुर्ण कोशेढुङ्गा हो । नेपालको पहिलो ठूलो र ग्यास ईन्सुलेटेड सबस्टेसन हो यो ।
नेपाल सरकारको बजेट, प्राधिकरणको ईन्जिनियरको डिजाइन र प्राधिकरणको ईन्जिनियरिङ कम्पनिको सुपरभिजनमा यो आयोजना सम्पन्न भएको छ ।
यो सवस्टेसनको क्षमता ९४५ एम भि ए रहेको छ । आ व २०७४/७५ देखि टेण्डर प्रकृया शुरु गरि करिव साढे २ वर्षको निर्माण अवधिपछि सम्पन्न भएको छ । गत आषाढ मसन्त सम्ममा सम्पन्न गर्ने लक्ष्य राखि कोरोनाको कारण भएको लकडाउनमा समेत निरन्तर काम भई रहेको थियो । तर हाई भोल्टेज टेष्टिङ मसिन केरुङ नाकाबाट करिव ३ महिनासम्म छुटाउन नसक्दा समयमा चार्ज हुन सकेको थिएन ।
नेपाल भारतविचको ढल्केवार मुजफरपुर लाईन ४०० केभिको लागि तयार भएको भए पनि सवस्टेसनको कारणले शुरुमा १३२ के भि मा मात्र चार्ज भयो त्यसपछि आव २०७५/७६ मा २२० के भिमा चार्ज भयो र हाल आएर ४०० के भि मा चार्ज हुने भएको छ ।
करिव १२०० मेगावाट विधुत शक्ति प्रसारण क्षमता भएको यस लाईनबाट हाललाई करिव ८५० मेगावाट सम्म निर्यात वा आयात गर्न सकिन्छ । माथिल्लाे तामकोशीको विद्युत पूरा निर्यात गर्न सकिने छ । नेपालभित्रको पूर्व पश्चिम लाईन ४०० केभिमा चार्ज भए पश्चात् यस लाईनबाट करिब १२०० मेगावाट प्रवाह गर्न सकिनेछ । यस कार्यमा अहोरात्र खटिएका आयोजनाका कर्मचारी एवम् ठेकेदार कम्पनि र यस्का सहायक निर्माण कम्पनी र परामर्शदाता कम्पनि सवैलाई हार्दिक बधाई।
तुलनात्मक रुपले यो आयोजना छिटो सम्पन्न भएको छ । डिजाईनदेखि निरन्तर खटेका आयोजना प्रमुख शुक्र देवकोटाजलाीई हार्दिक बधाई। मेरो कार्यकालमा चार्ज गर्ने भनी धेरे प्रयास गर्दा पनि हाईभोल्टेज ट्रेसिङ्ग किट नआएकोले सफल भएन । उ का का नि व्रजभुषण चौधरीजीको महत्वपुर्ण भुमिका यस आयोजनामा रहेको छ । उहालाई पनि वधाई । माननिय मन्त्री ज्यु, सचिवज्यु, सञ्चालकज्युहरु, कार्यकारी निर्देशक लगाएत सम्पुर्ण कर्मचारिहरुलाई वधाई ।
