काठमाडौ । नेपाल मुस्लिम संघले १०० बर्ष भन्दा पुरानो ऐतिहासिक धरोहर मुसफिर मदिनी मस्जिदमा गरिएको तोडफोड र आक्रमणको निन्दा गर्दे दोषी उपर कडा भन्दा कडा कानूनी कारबाही गर्न माग गरेको छ । संघका अध्यक्ष अब्दुल सत्तारले आज एक बिज्ञप्ति जारी गर्दै क्षती भएको संरचनाको तत्काल पूननिर्माण गर्न पनि माग गर्नुभएको छ । अध्यक्ष सत्तारले पटक पटक धार्मिक आस्था र भावनामा चोट पु¥याउदा पनि सामाजिक सद्भाबका लागि संयम बनेको मुस्लिम समुदायको सदासयतालाई कमजोरीका रुपमा नलिन चेतावनी समेत दिनु भएको छ ।
उहाले मुसफिर मदिनी मस्जिदमा गरिएको आक्रमण सिगो नेपाली मुस्लिम समुदाय माथीको आक्रमण भएको भन्दै बर्तमान सरकार गठन भए देखी नै मुस्लिम समुदाय माथी कुनै न कुनै रुपमा पूर्बाग्रही राब्दै आएको आरोप लगाउनु भएको छ । मुस्लिम पर्बहरुको बिदा कटौती गर्ने देखी मदरसा,कवरस्थान र मस्जिद माथी निरन्तर आक्रमण हुदै आईरहेको उल्लेख गर्दे उहाले मुस्लिम धरोहर माथीको निरन्तर आक्रमण हुँदा पनि मुकदर्शक मात्र बनेकाले बर्तमान सरकारको कम्युनिष्ट अधिनायकबादको चरित्र उदाङ्गो भएको टिप्प्णी गर्नुभएको छ । सरकार भू– माफियाको गिरोहबाट संञ्चालित भै मन्दिर , मस्जिद , गुम्बा लगायतका धार्मिक स्बामित्वमा रहेका जग्गा हडप्न उद्दत रहेको यो घटनाले पनि पुष्टि गरेको आरोप संघको छ ।
नेपालको सबिधानले आ–आफनो धर्म निर्बाध रुपमा मान्न पाउने अधिकार भएपनि बर्तमान सरकारको क्रियाकलापले धार्मिक अधिकारबाट बञ्चित गराउने प्रपञ्च त होईन ? यो मदानी मस्जिद माथी भू– माफियाहरुले पटक पटक धाबा बोले पछि प्रधानमन्त्री र भुमी सुधार मन्त्रीलाई ध्यानकर्षणको लागि समेत अनुरोध भएपनि वास्ता नगर्नुले मुस्लिम समुदाय प्रति सरकार अनुदार रहेको ठहर संघको छ ।
