बाजुरा(मार्तडी) । सुदूरपश्चिम प्रदेशका आन्तरिक मामिला तथा कानून मन्त्री प्रकाश शाह र उनकी श्रीमतीलाई कोरोना संक्रमण पुष्टि भएको छ । सेती प्रादेशिक अस्पताल प्रयोगशालामा उनीहरुले कोरोना परीक्षण गराएका थिए । आफुहरुलाई कोरोना संक्रमण भएको कुरा मन्त्री शाहले सामाजिक सञ्जाल फेसबुक मार्फत सार्वजानिक गरेका छन् ।
मन्त्री शाहले सामाजिक सञ्जाल फेसबुकमा भनेका छन् ‘कोरोनालाई परास्त गरी छिट्टै काममा फर्किन्छु ।’ कोरोना परीक्षण गर्दा संक्रमण पुष्टि भएपछि आफूलाई कोरोनामा भएको प्रष्ट्याउदै मन्त्री शाहले भने, ‘मेरो स्वास्थ्यमा खासै समस्या छैन्, कोरोनालाई परास्त गरी छिट्टै काममा फर्किनेछु ।’ गृह जिल्ला बाजुरामा दशैँ मनाएर फर्किएका मन्त्री शाहले सामान्य ज्वरो र पखाला लागेपछि शंका लागेर परीक्षण गराएको बताउँदै अहिले स्वास्थ्यमा समस्या नरहेको उनले बताए ।
