अबुधाबीः इन्डियन प्रिमियर लिग क्रिकेट अन्तर्गत आइतबारको खेलमा चेन्नाई सुपर किंग्सले किंग्स इलेभेन पञ्जाबलाई ९ विकेटले पराजित गरेको छ ।
यो हारसँगै पञ्जाबको प्लेअफमा पुग्ने सम्भावना समाप्त भएको छ ।
टस हारेर पहिले ब्याटिङको निम्तो पाएको पञ्जाबले ६ विकेटको क्षतिमा १५३ रन मात्र बनाएको थियो । पञ्जाबका लागि कप्तान के एल राहुलले २९, मयंक अग्रवालले २६, दीपक हूडाले ६२, मन्दीप सिंहले १४ तथा क्रिस गेलले १२ रनको योगदान दिएका थिए ।
पञ्जाबले प्रस्तुत गरेको १५४ रनको सानो लक्ष्य चेन्नाईले १८.५ ओभरमा १ विकेट गुमाएर प्राप्त गरेको थियो । चेन्नाईका लागि ओपनर रुतुराज गायकवाडले अविजित ६२, अम्बाटी रायडुले ३० तथा फाफ डु प्लेसिसले ४८ रनको योगदान गरेका थिए ।
यो जितसँगै पञ्जाबले १४ खेलबाट १२ अंक बटुलेको छ । चेन्नाईले पनि १४ खेलबाट १२ अंक नै बनाएको छ । रन रेटका आधारमा चेन्नाई सातौं स्थानमा छ ।
आइतबार राति नै राजस्थान रोयल्स र कोलकाता नाइट राइडर्सबीच दोस्रो खेल जारी छ । राजस्थान रोयल्सले टस जिति पहिले बलिङ गर्ने निर्णय गरेको यस खेलमा कोलकाताले २० ओभरको खेलमा ७ विकेट गुमाएर १९१ रन बनाएको छ ।
अंक तालिका
