दशैं सकिएपछि तिहार नजिकिँदै छ । देशभरबाट मनसुन बाहिरिएको छ र मनसुन खुलेको छ । यो बेला नेपालका हिमालहरु खुलेका छन् ।
पर्यटकीय स्थलमा पर्यटक भरिभराउ छन् । वाह्य मात्र नभएर आन्तरिक पर्यटक पनि नयाँनयाँ ठाउँमा पुगेका छन् ।
विशेष गरी मौसममा सुधार आपपछि हिमाली क्षेत्रमा पुग्ने पर्यटकहरु बढेका छन् । राससका कमलकुमार बस्नेतले खिचेका पर्यटकीय गन्तव्य हिमालहरुका केही तस्बिर ।
सर्वोच्च शिखर सगरमाथा दृश्यावलोकन गर्ने स्थान कालापत्थर जाने क्रममा थकान मेट्न चिया पिउँदै सगरमाथालगायतका हिमाल हेर्दै पर्यटक । सर्वोच्च शिखर सगरमाथा दृश्यावलोकन गर्ने स्थान कालापत्थर जाँदै गरेका पर्यटक । एक सातायता मौसममा सुधार आएपछि त्यस क्षेत्रमा जाने पर्यटक बढ्न थालेका छन् । सर्वोच्च शिखर सगरमाथा दृश्यावलोकन गर्ने स्थान कालापत्थरमा देखिएको खोङ्मा चरा । यो चरा कालापत्थर जस्ता उच्च हिमाली क्षेत्रमा पाइन्छ ।कालापत्थरबाट आइतबार दिउँसो देखिएको सर्वोच्च शिखर सगरमाथा र लोत्से हिमाल । मौसममा अनुकुल भएपछि यस क्षेत्रमा जाने पर्यटक बढेका छन् । खुम्बु पासाङ ल्हमु गाउँपालिका–४ स्थित गोरकसेप क्षेत्र । यही क्षेत्र हुँदै पर्यटक तथा आरोही कालापत्थर र सगरमाथा बेसक्याम्प जाने गर्छन् ।
