काठमाडौँ । पछिल्लो २४ घण्टामा कोरोना भाइरसको संक्रमणबाट २० जनाको मृत्यु भएसँगै मृतकको संख्या एक हजार नाघेको छ ।
स्वास्थ्य तथा जनसंख्या मन्त्रालयका अनुसार मंगलबारसम्म संक्रमणबाट मृत्युहुनेको संख्या एक हजार ४ पुगेको हो ।
मंगलबार थप ३ हजार ११४ जनामा कोरोना संक्रमण पुष्टि हुँदा ३ हजार १ सय ४२ संक्रमित निको भएका छन् ।
मन्त्रालयका अनुसार पछिल्लो २४ घण्टामा जम्मा ११ हजार १६६ पीसीआर परीक्षण भएका छन् ।
