काठमाडौं । चीनको युन्नान कमर्सियल रिप्रिजेन्टटेटिभ अफिसको आर्थिक र युनिक सोलार नेपालको प्राविधिक सहयोगमा ललितपुर महानगरपालिका वडा नम्बर-३ स्थित ठाडोढुंगामा युनिक सोलार सावर स्टेशन निर्माण भएको छ ।
निर्माण भएको सावर स्टेशनको ललितपुर महानगरपालिकाका मेयर चिरिबाबु महर्जन,नेपालका लागि चिनियाँ राजदूत छन् सोङले सयुक्त रुपमा शुभारम्भ गर्नुभयो ।
नेपालमै पहिलो पटक सौर्य उर्जाबाट चल्ने सामुदायिक स्नानघर सञ्चालनमा आएको जनाईएको छ । उक्त सामुदायिक बाथरुममा २४ घण्टा तातो पानीको सुविधा छ । सर्वसाधारणले आफ्नो समय अनुकूल त्यहाँ पुगेर नुहाउन सक्नेछन् ।
अहिले प्रतिव्यक्ति शुल्क रु. ८० कायम गरिएको छ । १० पटकसम्म सेवा लिएमा एकचोटी नि: शुल्क दिइने छ ।सर्वसाधारणले स्टेशनमै साबुन, स्याम्पु,टावेल तथा टुथ ब्रश पाउनेछन् भने चिया,कफी तथा जुसको पनि व्यवस्था गरिएको छ ।
कार्यक्रममा बोल्दै मेयर महर्जनले सोलार बाथरुम स्टेशनले महानगरवासीमा उत्साह ल्याएको बताउनुभयो । उहाँले भन्नुभयो ‘यो हेर्दा वा देख्दा सानो सहयोग होला,तर यसले हाम्रोलागि ठूलो अर्थ राख्छ,‘यो सुविधा र प्रविधियुक्त बाथरुम स्टेशनले महागरको समृद्धि,विकास र सरसफाईमा ठूलो सहयोग गरेको छ। उहाँले भन्नुभयो यो सहयोगले नपाल र चीनबीचको सम्बन्धलाई प्रगाढ बनाएको छ ।
राजदूत छन सोङले पनि नेपालसँगको पुरानो मित्रता स्मरण गर्दै सहयोग गर्न पाउँदा खुशी लागेको बताउनुभयो । स(साना सहयोग र आपसी समझदारीकै कारण नेपाल र चीन पौराणिक कालदेखि दाजुभाइजस्तो रहेको बताउनु भयो ।
उहाँले भन्नुभयो ‘मलाई थाहा छ,यो धेरै ठूलो प्रोजेक्ट होइन ,तर यस्तै स-साना सहयोग र विश्वासले दुई देशको सुन्दर कथाहरु बनेका छन्, हामीबीचको सम्बन्ध एउटा परिवारको दाजुभाइभन्दा कम लाग्दैन ।’
