काठमाडौं । देशभर पछिल्लो २४ घन्टामा थप १२ हजार ३३८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार २७ हजार ४९७ वटा नमुना परीक्षणमा सो संख्यामा संक्रमण पुष्टि भएको हो ।
यस्तै, पछिल्लो २४ घण्टामा ६४९जना संक्रमित निको भएका छन् । बिहीबार कोरोनाबाट मृत्यु हुनेको संख्या ४ रहेको छ ।
काठमाडौं उपत्यकामा आज ६ हजार ९८१ जना संक्रमित थपिएका छन् जसमध्ये काठमाडौंमा ५००१, ललितपुरमा १ हजार १३० र भक्तपुरमा ८५० जना संक्रमित थपिएका छन् ।
१४ जिल्लामा सक्रिय संक्रमित संख्या ५०० भन्दा माथि छ भने १४ जिल्लामै सक्रिय संक्रमित संख्या २०० भन्दा माथि छ ।
संक्रमितको संख्या उकालो लाग्ने क्रम जारी छ । र यो संख्या हालसम्मकै धेरै पनि रहेको छ ।
बुधबार अर्थात अघिल्लो दिन ११ हजार ३५२ जनामा कोरोना संक्रमण पुष्टि भएको थियो ।
