काठमाडौं । लागुऔषध कारोबारमा संलग्न रहेको आरोपमा पक्राउ परेका राष्ट्रिय स्वतन्त्र पार्टी (रास्वपा) का पूर्वसांसद ढाकाकुमार श्रेष्ठ धरौटीमा रिहा भएका छन् ।
कास्की जिल्ला अदालतले हिजो उनलाई ७५ हजार रुपैयाँ धरौटीमा छोड्न आदेश दिएको थियो । धरौटी बापतको रकम बुझाएर श्रेष्ठ आज रिहा भएका हुन् ।कास्की जिल्ला अदालतका सूचना अधिकारी सुरज अधिकारीले भन्नुभयो ‘अदालतले ७५ हजार रुपैयाँ धरौटी बुझाउन आदेश दिएको थियो । उहाँ धरौटी बुझाएर छुटिसक्नुभएको छ। ‘
पोखराको पृथ्वीचोकमा दिया फार्मेसी चलाउँदै आएका श्रेष्ठको फार्मेसीबाट लागुऔषध खरिद गरेको एक युवकको बयानपछि उनलाई पक्राउ गरिएको थियो ।
