काठमाडौं । कास्कीको पोखरामा थप दुई जना कोरोना संक्रमितले ज्यान गुमाएका छन् । पोखरा स्वास्थ्य विज्ञान प्रतिष्ठान र चरक मेमोरियल अस्पतालमा उपचाररत दुई जना संक्रमितको निधन भएको हो ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माका अनुसार मृतक पोखरा महानगरपालिका–३२ का ६६ वर्षीया महिलाको शुक्रबार मृत्यु भएको हो । उनीमा मंसिर ५ गते कोरोना संक्रमण पुष्टि भएको थियो ।
यस्तै पोखरा महानगरपालिका–२ का ५९ वर्षीय पुरूषको मंसिर १० गते चरक मेमोरियल अस्पतालमा उपचारक्रमा मृत्यु भएको डा. शर्माले बताए । उनीमा मंसिर ५ गते कोरोना संक्रमण पुष्टि भएको थियो । उनीमा मिर्गौला र मधुमेहसम्बन्धी समस्या पनि थियो ।
