काठमाडौं । कोरोनाभाइरस (कोभिड १९) को विश्वव्यापी महामारीका कारण नेपालामा समेत यो समाचार तयार पार्दासम्म १ हजार ४ सय ७९ जनाको मृत्यु भएको सरकारी तथ्यांक रहेको छ । चिसो मौसम सुरु भएसँगै कोरोना संक्रमणको दरमा बृद्धि भएको तथा कतिपय देशमा पुन दोस्रोचरणको संक्रमण लहर देखा परेको छ । जाडो महिनामा कोभिड समुहका अन्य भाइरसहरु जस्तै रुघाखोकी, मौसमी फ्लूलगायतका संक्रामक रोगहरुका लागि असहज समय हो । चिसो तथा सूस्क समयका कारण मनिसको रोग प्रतिरोधात्मक प्रणली केहिमात्रामा सिथिल हुने भएकाले संक्रामक रोगहरुको जोखिम उच्च हुने बिज्ञहरुको मत रहेको छ ।
पुविर्य सांकृतिक परम्परा अनुसार यो समय विवाह, ब्रतबन्ध, पुराण, यज्ञ, लगायतका सामाजिक तथा धार्मिक अनुष्ठानका लागि समेत लग्नजुर्ने समय हो । यस्ता समारोह तथा अनुष्ठानमा भिडभाड हुने भएकाले अन्य संक्रामक रोगहरुका साथै कोभिड १९ को समेत संक्रमणको जोखिम उच्च रहेको हुन्छ । विवाह लगायतका समारोहमा सरिक हुँदा हामिले अझ सजक हुनुपर्ने देखिन्छ । तर यर्थाथमा परिस्थिति भने त्यसको ठिक विपरित देखिन्छ । यस्ता समारोहमा सरिक हुँदा सुरक्षाका उपायहरुमा ध्यान नदिइएको मात्र नभै फेसनेबल तथा आर्कषक देखिने चाहानाका कारण पातला तथा ठण्डी मौसमका लागि अनुपयुक्त पोषक लगाउने गरेका छन् । विषेशगरि महिलाहरुमा यो समस्या अझ धेरै देखिन्छ । हामीले अधिकरुपमा देख्ने गर्छौकी पातलो सारीमा मात्र विवाह लगायतका समारोहमा सहभागि भएको । कोरोना संक्रमणको जोखिमका साथसाथै मौसमि फ्लुको जोखिम समेत उच्च हुन्छ । यो जाडोमा पनि आकर्षक देखिनको निम्ति पातलो लुगा लगाउँदा कोरोना अझै फइलिन सक्ने अबस्था आउँछ ।
डा. अनुप बास्तोलाले जाडो महिनामा विवाहको लगन हुँदा पहिरनमा परिवर्तन आएको र कोरोना फैलन सक्ने सम्भावना बढ्न सक्ने भन्दै सचेत रहन आग्रह गर्नुहुन्छ । विवाहमा जाँदा कोरोना फैलिन सक्ने सम्भावना कतिको रहेको छ भनेर सोधेकामा उहाँको उत्तर थियोः विवाह भन्ने बित्तिकै भिडभाड हुने भइहाल्यो, यसमा बृद्धबृद्धा बालबालिकासँगको भेटघाटले अझै संक्रमण बढ्न सक्छ । होम आइसोलेसनमा बसेकाहरु पनि आएका हुन सक्छन् । त्यसकारण एकअर्कामा संक्रमण हुने सम्भावना बढेर जान्छ । कोरोनाबाट बच्नका लागि मास्क लागाउनु भनेर बारम्बार भनिरहेको हुँदा मास्क निकालेर आफन्तसँग कुरा गर्दा, सँगै बसेर खानपिन गर्दा अवश्य पनि संक्रमणको जोखिम बढेर जान्छ । विवाहको बेला पहिरन पनि पातलो भएकोले चिसो लाग्न सक्ने र त्यसबाट कोरोना फैलिन सक्छ । कोरोनाबाट बच्नका लागि स्वयम व्यक्ति नै सचेत रहन जरुरी छ । सामाजिक दुरी कायम गरी भोज खाने, बेलाबेलामा सेनिटाइजरको प्रयोग गर्ने, र नियमित मास्क लगाइरहन जरुरी हुन्छ ।
जाडो महिनामा बाक्लो कपडामा धेरै प्रकारका कपडा पाउने गर्छन् । विवाह, पार्टीमा सरिक हुदाँ पनि ढाका, भेला, ऊलनलगायतका कपडा लगाउदा स्वास्थ्य र फेसन दुवैका लागि उत्तम ह’नसक्छ । साथै भेलवेटको कपडामा धेरै डिजाइनहरु पाइने र न्यानो हुने गरेको विवाह सहभागीहरुले बताउने गरेका छन् । सकेसम्म विवाह, पार्टीका लागि यी फेब्रिकमा रातो, मरुन, रानी लगायतका कलर छनौट गर्दा स्टाइलिस देखिनुको साथै न्यानो पनि दिन्छ । भेलभेटमा हल्का इम्ब्रोइडरी गरिएका पहिरन यो समयमा उपयुक्त हुन्छ ।
जाडो मौसममा पारदर्शी सिफन, साटन, जर्जेट, नेट, सिलक, ब्रोकेट जस्ता फेब्रिक लगाउँदा चिसो लाग्ने डर हुन्छ । यसबाट सावधान हुन जरुरी छ । यस्तो पहिरनले कोरोनाको समयमा कतिको असर गर्न सक्छ भन्नेबारे ख्याल राख्नु आवश्यक छ । विवाहको क्षणिक समयलाई प्राथमिकता दिने कि आफ्नो स्वास्थ्यलाई ख्याल गरेर जीवनलाई बचाउने तर्फ ध्यान दिने बुझ्न जरुरी छ । बाक्लो लुगा लगाएर पनि फेसनेबल देखिन्छ भन्ने बारे सचेत र जानकार हुनुपर्छ ।
