एजेन्सी । बलिउड तथा हलिउड अभिनेत्री प्रियंका चोपडा सरोगेसीको सहयोगमा आमा बनेकी छिन् । उनले इन्स्टाग्राम पोस्टमार्फत सो जानकारी दिएकी हुन् ।
यद्यपि, सरोगेसी मार्फत निक–प्रियंकाको घरमा छोरा वा छोरी आएको कुनै जानकारी दिएका छैनन् । पछिल्लो तीन महिनामा प्रियंका सरोगेसीमार्फत आमा बन्ने दोस्रो बलिउड अभिनेत्री हुन् ।
यसअघि १७ नोभेम्बर २०२१ मा प्रीति जिन्टा पनि सरोगेसी मार्फत जुम्ल्याहा बच्चाकी आमा बनेकी थिइन् ।
प्रियंकाले आफ्नो पोस्टमा लेखेकी छिन् – 'हामी सरोगेसी मार्फत बच्चालाई हाम्रो जीवनमा स्वागत गर्दैछौं भन्ने कुरा साझा गर्न पाउँदा खुसी छौं । हामी सम्मानपूर्वक हाम्रो परिवारको लागि अनुरोध गर्दछौं, कृपया यो विशेष समयमा हाम्रो गोपनीयताको ख्याल राख्नुहोस् ।'
प्रियंका चोपडा र निक जोनसले हिन्दू र क्रिस्चियन परम्परा अनुसार डिसेम्बर २, २०१८ मा उदयपुरको उम्मेद भवनमा विवाह गरेका थिए ।
