काठमाडौँ । ‘श्रीकृष्णजन्माष्टमी’ पर्व आज देशभर भगवान् श्रीकृष्णको पूजा–आराधना गरी श्रद्धा–भक्तिपूर्वक मनाइँदैछ ।
ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्णजन्माष्टमी’ र रातलाई ‘मोहरात्रि’ भनिन्छ ।
यसदिन देशभरिका कृष्णमन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नाका साथै विशेष गरी महिला, पुरुष ‘व्रत’ बसी रातभर जाग्राम बस्ने प्रचलन छ ।
श्रीकृष्णको आराधनाका साथसाथै उहाँको कथाको जीवनीलाई ग्रहण गर्यौं भने ठूलाठूला समस्याको समाधान हुन्छ ।
योजना बनाएर काम गर्नुहोस्
भगवान विष्णु श्रीकृष्णको रूपमा अवतार लिन लागेका थिए, त्यस समयमा देवकी–वासुदेव कंसको बन्धनमा थिए । कंसले देवकी–वासुदेवका छ जना सन्तानको हत्या गरेका थिए ।
बलराम देवकीको गर्भमा आएपछि विष्णुजीले मायाको सातौं सन्तान देवकीको गर्भबाट निकालेर वासुदेव जीकी दोस्रो पत्नी रोहिणीको गर्भमा राखिदिए । यसपछि कंसले सातौं गर्भ असफल भएको जानकारी पाए ।
जब आठौं सन्तानको जन्मको समय आयो, भगवानले योगमायालाई भन्नुभयो कि अब मेरो अवतार लिने समय आएको छ । जब मेरो अवतारको जन्म हुनेछ, त्यही समयमा गोकुलमा यशोदाको गर्भबाट तिमी जन्मिनेछौ ।
वासुदेव जीले मलाई कंसको कारागारबाट निकालेर गोकुलमा लैजानुहुनेछ र कंसको कारागारमा तीमिलाई लैजानुहुनेछ । जब कंस आठौं सन्तानलाई मार्न आउँछन्, तब तिमी मुक्त हुनेछौ ।
भगवानले बनाएको योजना अनुसार श्रीकृष्णको अवतार भयो ।
सन्देश–भगवानले सन्देश दिनुभएको छ कि जहिले पनि ठुलो काम गर्नु पर्यो भने अवश्य योजना बनाउनुहोस् । योजना राम्रो छ भने सफलता अवश्य मिल्नेछ ।
