काठमाडौं । भक्तपुरको गठ्ठाघरमा ट्रकको ठक्करबाट स्कुटर चालकको मृत्यु भएको छ ।
ना ६ ख २१७३ नम्बरको ट्रकले बा ४९ प ८९४४ नम्बरको स्कुटरलाई ठक्कर दिएपछि स्कुटर चालक महिलाको मृत्यु भएको हो ।
ट्राफिक प्रहरीले चेकिङ गरिरहेका बेला रोकिराखेको स्कुटरलाई उक्त ट्रकले ठक्कर दिई केही मिटर परसम्म घिसारिएको थियो । मृतकको सनाखत हुन सकेको छैन ।
दुर्घटनापछि स्थानीयले गठ्ठाघरको सडक अवरुद्ध गरेका छन् । अहिले त्यहाँको अवस्था तनावग्रस्त रहेको छ । सुरक्षाकर्मीहरु बाक्लोरूपमा परिचालन गरिएको छ ।
