काठमाडौँ । युइएफए सुपर कपको उपाधि स्पेनिस फुटबल क्लब रियल मड्रिडले जितेको छ ।
गएराति भएको फाइनल खेलमा इटालियन क्लब एटलान्टालाई २–० गोलले हराउँदै रियलले उपाधिमाथि कब्जा गरेको हो ।
नेशनल स्टेडियम अफ वार्सामा भएको खेलमा रियललाई उपाधि दिलाउन खेलको ५९ औं मिनेटमा फेडेरिको भाल्भर्डेले र ६८ औं मिनेटमा किलियन एमबाप्पेले गोल गरे ।
एमबाप्पेको यो रियलबाट पहिलो खेल हो । पिएसजीबाट यसै सिजन रियल आएका एमबाप्पेले पहिलो खेलमै गोल तथा ट्रफि जित्न सफल भए ।
सुपर कपको फाइनल च्याम्पियन्स लिग र युरोपा लिगको विजेताबीच हुँदै आएको छ । रियलले च्याम्पियन्स लिग तथा एटलान्टाले युरोपा लिग जितेको थियो ।
