काठमाडौं । संक्रमणकालीन न्यायसम्बन्धी विधेयक आजै प्रतिनिधिसभाबाट पारित गरिने भएको छ ।
प्रतिनिधिसभाको आज दिउँसो १ बजे बस्ने बैठकले विधेयक पारित गर्ने भएको हो ।
आजको बैठकमा कानुन, न्याय तथा संसदीय मामिला मन्त्री अजयकुमार चौरसियाले कानुन, न्याय तथा मानवअधिकार समितिको प्रतिवेदनसहितको बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (टीआरसी) विधेयक, २०७९० माथि छलफल गरियोस्’ भनी प्रस्तुत गर्ने सम्भावित कार्यसूची रहेको छ ।
यस्तै, ‘बेपत्ता पारिएका व्इक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०८१ लाई पारित गरियोस्’ भनी प्रस्ताव प्रस्तुत गरिनेछ ।
विधेयकमाथि संसद्मा प्रतिनिधित्व गर्ने दलहरुले आ–आफ्ना धारणा राख्नेछन् । सम्भवत: यो विधेयक सर्वसम्मत हुने सम्भावना छ । प्रतिनिधिसभाबाट पारित भएपछि विधेयकलाई राष्ट्रिय सभामा लगिने छ । त्यहाँबाट पनि पारित भएपछि प्रमाणीकरण गर्न राष्ट्रपतिकोमा पठाइन्छ । राष्ट्रपतिले विधेयक प्रमाणीकरण गरेपछि कानुन बन्ने छ ।
