काठमाडौँ । राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । आज सार्वजनिक भएको नतिजामा नियमिततर्फ परीक्षा दिएका कुल ३ लाख ९० हजार ८६८ विद्यार्थी मध्ये ५२.९१ प्रतिशत अर्थात २ लाख ३ हजा ८४७ जना विद्यार्थी उतिर्ण भएका छन् ।
यस्तै, ४७.०९ प्रतिशत अर्थात एक लाख ८७ हजार २१ जना विद्यार्थी नन ग्रेडेड (एनजीअनुत्तीर्ण) भएका छन् । त्यसैगरी, ३.६१ देखि ४ जीपीए ल्याउने विद्यार्थीको संख्या ९ हजार ५९१ रहेका छन् भने १०२ जनाको परीक्षा रद्ध भएको छ ।
यसैगरी, ग्रेड वृद्धितर्फ २०७८/७९ का २८.२६ प्रतिशत पास भएका छन् भने २०७६/०७७ का ६२.०५ प्रतिशत विद्यार्थी उत्तीर्ण भएका छन् ।
गत वैशाख १४ गतेबाट सञ्चालित परीक्षामा कुल चार लाख ९१ हजार ४९७ विद्यार्थी सहभागी थिए ।
