काठमाडौं । वन तथा वातावरण मन्त्री ऐनबहादुर शाही र अस्ट्रेलियन राजदूतबीच भेट भएको छ ।
वन मन्त्रालयमा अस्ट्रेलियन राजदूत फेलिसिटी भोल्क र वन मन्त्री शाहीबीच भेट भएको हो ।
भेटमा राजदूतले अस्ट्रेलियन सरकारको लगानीमा नेपालमा बिगत लामो समयदेखि सामुदायिक बन खाद्य सुरक्षा क्षमता जीविकोपार्जन जलवायू परिवर्तन जस्ता काम गरेको मन्त्रीलाई जानकारी गराएका थिए ।
अस्ट्रेलियाले नेपालको बन क्षेत्रमा ६० बर्षदेखि काम गर्दै आएको भन्दै राजदूतले जलवायू परिर्वतन जस्ता कामलाई अघि बढाउने चाहाना राखेका थिए । नेपालको वन क्षेत्रमा देखिएको डडेलो नियन्त्रण गर्न समुदाय सक्रिय हुनुपर्ने उनको भनाई छ ।
हिमाली क्षेत्रमा उच्च जोखिममा परेका समुदायलाई सहयोग गर्ने लक्ष्य रहेको पनि राजदूत बताए ।
वन क्षेत्रमा सन १९६६ देखि अस्ट्रेलियन सरकारको सहयोग रहदै आएको वन मन्त्री शाहीले बताए । उनले सामुदायिक बन बिकास परियोजनामा मार्फत नेपालमा वनको पुर्नस्थापना तथा वन प्राबिधिकरण क्षमता अभिबृद्धिमा अस्ट्रेलियन सरकारको महत्वपूर्ण भूमिका रहेको बताए । अस्ट्रेलियन सरकारले जलवायु सामुदायिक वन विपन्न बर्गको जीविकोपार्जनका निम्ति लगानी निरन्तरता दिन मन्त्रीले राजदूतसँग आग्रह गरेका छन् ।
