काठमाडौं । संवैधानिक परिषदसम्बन्धी अध्यादेशका कारण पार्टी भित्र र बाहिरबाट चरम आक्रोस व्यmक्त भइरहेका बेला प्रधानमन्त्री केपी शर्मा ओली राष्ट्रपति भेट्न अहिले शीतल निवास पुगेका छन् ।
संवैधानिक परिषदमा ३ सदस्यीय सदस्यको उपस्थितिमा बैठक र बहुमतका आधारमा निर्णय गर्नसक्ने प्रावधान राख्दै अध्यादेश जारी गरेपछि साँझ बैठक राखेका प्रधानमन्त्री अहिले राष्ट्रपति भेट्न शितल निवास पुगेका हुन् ।
प्रधानमन्त्रीकै इच्छामा राष्ट्रपति विद्यादेवी भण्डारीले संवैधानिक परिषद् सम्बन्धी अध्यादेश मंगलबार दिउँसो जारी गरेकी थिइन । संवैधानिक परिषद बैठक सकिएलगत्तै प्रधानमन्त्री ओली शीतल निवास पुगेका बताइएको छ ।
साँझ संवैधानिक परिषदको बैठक सकेलगत्तै प्रधानमन्त्री शीतल निवास पुगेका हुन् । तर सो परिषद बैठकले के निर्णय गर्यो भन्ने बारेमा भने अहिलेसम्म केही जानकारी आइसकेको छैन ।
