![](https://newspolar.com/wp-content/uploads/2024/07/Ganesh-Rai.jpg)
काठमाडौं । प्रधानमन्त्री केपी शर्मा ओलीले आधा हातले कम्प्युटर चलाउन सक्ने फरक क्षमता भएका गणेश राईलाई नियुक्त गरेका छन् । प्रधानमन्त्री ओलीले राईलाई बोलाएरै सचिवालयमा नियुक्ति दिएका हुन् ।
पहिलोपटक प्रधानमन्त्री हुँदै ओलीले राईको क्षमता देखेपछि सचिवालयमा राख्न निर्देशन दिएका थिए । तर उनी प्रधानमन्त्रीबाट बाहिरिएपछि गणेशलाई पनि हटाइएको थियो । दोस्रोपटक प्रधानमन्त्री हुँदा पनि ओलीले पुन: गणेशलाई नै अवसर दिएका थिए ।
अहिले ओली पुन: प्रधानमन्त्री बनेपछि गणेशलाई खोजेरै आफ्नो सचिवालयमा अवसर दिएका हुन् । खोटाङका राईलाई लिएर एमालेका नेता विशाल भट्टराई प्रधानमन्त्रीको कार्यालयमा पुगेका थिए । त्यसपछि गणेशको जागिर पनि प्रधानमन्त्रीको सचिवालयमा सुनिश्चित भएको हो ।
खोटाङ काहुलेका गणेश राई जन्मजात अपांगता भएका व्यक्ति हुन् । उनको दुवै हातको कुहिनाभन्दा तलको भाग छैन । दिक्तेल क्याम्पस पढ्दै गर्दा उनलाई स्व. मिलन राईले केही काम गर्न र अध्ययन गर्न काठमाडौं ल्याएका थिए । भैरव राईले निकै ठूलो सहयोग गरेका थिए ।
प्रधानमन्त्री ओलीले सचिवालयमा नियुक्त गरेपछि सामाजिक सञ्जालमार्फत् अब राई आफूसँगै भएको बताएका छन् ।
प्रधानमन्त्री ओलीले सामाजिक सञ्जालमा के लेखेका छन् त ?