काठमाडौं । त्रिभुवन विश्वविद्यालयअन्तर्गत संस्कृत केन्द्रीय विभागले गुरु पूर्णिमाका दिन गरेको एक कार्यक्रमको एउटा तस्बिर अहिले सामाजिक सञ्जालमा भाइरल भइरहेको छ ।
आइतबार गुरुपूर्णिमा दिन संस्कृत केन्द्रीय विभागले गरेको कार्यक्रममा राखिएको ब्यानरलाई लिइर तस्बिरमा विभिन्न टिकाटिप्पणी भइरहेका छन् ।
तस्बिरमा देखिएको ब्यानरमा नै ‘ह्यापी गुरुपूर्णिमा’ लेखिएको छ । यसले अगुवाहरु नै भाषा बिगार्न उद्दत रहेको देखिन्छ ।
त्यसमाथि ब्यानरमा लेखिएका शब्द पनि अशुद्ध छन् ।
त्रिभुवन विश्वविद्यालयले देशकै सबैभन्दा पुरानो र ठूलो विश्वविद्यालय हो । त्यसमाथि संस्कृत विभाग त झन् भाषामा निपूर्ण नै हुन्छ भन्ने मान्यता छ । तर गुरुपूर्णिमाका दिन गुरुहरुलाई समेत राखेर गरिएको कार्यक्रमको ब्यानर नै अंग्रेजी मिश्रित र गल्ती नै गल्तीले भरिपूर्ण भएपछि त्यसको चौतर्फी आलोचना भइरहेको छ ।
