काठमाडौं । राप्रपा नेपालका अध्यक्ष कमल थापाले आफूहरुले राजाको कुरा गरेर निरङ्कुशता र सर्बसत्ताबाद नखोजेको बताएका छन् ।
पार्टीको अर्थ सड्ढलन अभियानको हिजो शुभारम्भ गर्दै अध्यक्ष थापाले चुनावी राजनीति भन्दा माथिको अभिभावकीय संस्थाको रुपमा राजसंस्थाको एजेन्डा स्थापित गर्न आफूहरुले प्रयास गरिरहेको स्पष्ट पारे ।
भूराजनीतिक अबस्थाको कारणले पनि नेपालमा राजसंस्था जरुरी भएको भन्दै उनले बिदेशीहरुको दबाब र प्रभाबबाट मुलुकलाई मुक्त गर्नु प्रमुख आबश्यकता रहेकोमा जोड दिए । संघीयता मुलुकले धान्न नसक्ने भन्दै दुई तहको सरकार भए अहिलेको समस्या धेरै हद सम्म समाधान हुने थापाको तर्क थियो । चुनाव लड्न,जिट्न,सरकार बनाउन ,मन्त्री प्रधानमन्त्री बन्न बिदेशीको आशिर्वाद चाहिने प्रवृत्तिले मुकुकको स्वाधिनता कमजोर भएको उनको धारणा थियो ।
पछिल्लो राजनीतिक ध्रुवीकरणले मुलुकलाई दुर्घटनातर्फ लैजान खोजेको भन्दै थापाले हिन्दुत्व र राजसंस्था चाहने, संघीयताको खारेजी चाहने शक्ति र समूह एक भएर चुनौतीको सामना गर्ने समय आएको भन्दै थापाले राष्ट्रवादी शक्तिलाई बलियो बनाउन सबैको सहयोग आवश्यक भएको बताए । विदेशीको आशिर्वाद र सहयोग नखोज्ने राप्रपा नेपाल जस्तो स्वाभिमानी दललाई सबै नेपालीको सहयोग जरुरी भएकोले आर्थिक सड्ढलन अभियान शुरु गरिएको थापाले बताए ।
