काठमाडौँ । नेपाल मजदुर किसान पार्टीका सांसद प्रेम सुवालले नयाँ सरकारले जनताको सबै खालको अपm्ठ्यारो सल्टाउनुपर्ने बताउनुभएको छ ।
विगतका सरकारहरुले भ्रष्टाचारलाई बढावा दिएको, जनताको पक्षमा काम नगरेको उल्लेख गर्दै उहाँले नयाँ सरकारले बाढी, डुबान पीडित जनतालाई राहत दिन ढिलाई गर्न नहुने पनि बताउनु भयो । शुक्रवार प्रतिनिधि सभा बैठकमा प्रधानमन्त्री पुष्पकमल दाहालले राख्नुभएको विश्वासको मतबारे आफ्नो धारणा राख्दै सांसद सुवालले पटक पटक सरकार बन्ने परिपार्टीको अन्त्य गर्नुपर्ने पनि बताउनु भयो ।
उहाँले भन्नुभयो, ‘आउने सरकारले संसदलाई प्राज्ञिक थलो बनाउने, जनताका अपm्ठ्यारो सल्टाउने थलो बनाउने, पहिरो र डुबानबाट जनतालाई सुरक्षित राख्ने र पीडितलाई सम्बोधन गर्ने अपेक्षा गर्दछु । प्राकृतिक विपद त बर्षेनी देखिएको हो । सरकारहरु पूर्वसावधानी गम्भिर नहुँदा जनधनको ठूलो क्षति भएको हो ।’
सांसद सुवालले नयाँ सरकारले संसदलाई प्राज्ञिक थलोको रुपमा विकास गर्नुपर्ने बताउनु भयो ।
