• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

कान्तिपुर टीभीले हटायो ‘इट्स माइ सो’ को विवादित क्लिप



काठमाडौं । कान्तिपुर टेलिभिजनले चर्चित कलाकारको व्यक्तिगत जीवनलाई लिएर बनाइएको ‘इट्स माइ सो’ को विवादित भिडियो क्लिप हटाएको छ ।

प्रेस काउन्सिल नेपालको निर्देशनपछि कान्तिपुर टेलिभिजनले विवादित भिडियो हटाएको हो ।

कान्तिपुर टेलिभिजनबाट प्रसारण हुने ‘इट्स माइ शो’ मा दुई हप्ता अगाडि प्रसारित सामग्री विवादास्पद बनेपछि काउन्सिलले त्यसबारे अध्ययन गरेको थियो । ती सामग्रीलाई आपत्तिजनक र तथ्यहीन भन्दै अभिनेत्री जसीता गुरुङ लगायतका व्यक्तिहरूले चर्को विरोध गरेका थिए ।

प्रेस काउन्सिल नेपालले उक्त शो सार्वजनिक भए लगत्तै स्वः अनुगमन गरेर त्यसबारे प्रष्ट पार्न २४ घण्टे पुर्जी काटेको थियो । टिभीले दिएको लिखित जवाफ चित्त नबुझेपछि काउन्सिलले शोका प्रस्तोता ओसिन सिटौलासहितलाई बयानका लागि कार्यालयमा बोलाएको थियो ।

काउन्सिल अध्यक्ष बालकृष्ण बस्नेत लगायतको उपस्थितिमा टिभीको टोलीले त्यस्ता प्रसंग प्रसारण भएकोमा माफी मागेको थियो । प्रेस काउन्सिलले विवादास्पद सामग्री तत्काल हटाउन र त्यसको जानकारी युट्युब च्यानलसहित सबै माध्यममा गराउन लिखित निर्देशन दिएको थियो ।

यो प्रकरण काउन्सिलमा विचाराधीन रहेकाले थप कारबाहीबारे भने निर्णय हुन बाँकी नै छ ।