काठमाडौँ । जर्मनीमा भइरहेको युरो कप २०२४ को सेमिफाइनल समीकरण पूरा भएको छ ।
गएराति भएका दुई खेलका विजेतासँगै प्रतियोगिताको सेमिफाइनल खेल्ने चार टोलीको टुंगो लागेको हो ।
सेमिफाइनलमा स्पेन र फ्रान्स तथा इंग्ल्यान्ड र नेदरल्यान्ड्सबीच प्रतिस्पर्धा हुनेछ । पहिलो सेमिफाइनल मंगलबार मध्यरातमा १२ः४५ बजे हुनेछ भने दोस्रो सेमिफाइनल बुधबार मध्यरातमा १२ः४५ बजे हुनेछ ।
क्वाटरफाइनलमा स्पेनले आयोजक जर्मनीलाई हराएको थियो भने फ्रान्सले पोर्चुगलमाथि जित निकालेको थियो । यस्तै, इंग्ल्यान्डले स्वीट्जरल्यान्डलाई तथा नेदरल्यान्ड्सले टर्कीलाई हराएको हो ।
