काठमाडौं । सहकारीको बचत दुरुपयोगसम्बन्धी संसदीय छानबिन विशेष समितिले छानबिनको दायरामा परेका सहकारीको अवस्था र तिनीहरुमाथि जारी अनुसन्धानका बारेमा बुझन गृह मन्त्रालयका सचिव एकनारायण अर्याल र प्रहरी महानिरक्षिक बसन्त कुँवरसहितका सुरक्षा अधिकारीलाई छलफलका लागि समितिमा बोलाएको छ ।
छानबिनको दायरामा ल्याइएका सहकारीको अवस्था र देशभर प्रहरी कार्यालयमा यसबारे भइरहेको अनुसन्धान अवस्थालगायतका विषयमा बुझ्न समितिले गृहसचिव अर्याल, प्रहरी महानरीक्षक कुँवर, केन्द्रीय अनुसन्धान ब्यूरो प्रमुख श्याम ज्ञवाली र अपराध अनुसन्धान विभागका प्रमुख टेकबहादुर तामाङलाई आज समितिको कार्यालयमा बोलाइएको हो । यस्तै समस्याग्रस्त २९ सहकारीका सञ्चालकलाई पनि उपस्थित समितिले निर्देशन दिएको छ ।
२०८० साल चैत ११ मा राज्य व्यवस्था तथा सुशासन समितिमा उपप्रधान तथा गृहमन्त्री र रवि लामिछाने र प्रहरी महानिरीक्षक कुँवरसहितका अधिकारीलाई बोलाइएको थियो । सहकारी ठगीबारे गृहमन्त्रीसहितको संलग्नताबारे बैठकमा विषय उठेको थियो । त्यसको जवाफमा प्रहरी महानिरीक्षक कुँवरले गृहमन्त्री लामिछानेविद्ध आरोप पुष्टि हुने कुनै आधार नदेखिएको भन्दै बचाउ गरेका थिए ।
समितिले भने आरोप लागेका व्यक्ति तथा संस्थाहरुको तथ्य/प्रमाण बुझ्ने काम जारी रहेको जनाएको छ ।
