काठमाडौँ । राष्ट्रिय स्वतन्त्र पार्टी रास्वपाका निलम्बित महामन्त्री डा मुकुल ढकालको समीक्षा यात्रा प्रतिवेदन सार्वजनिक भएको छ ।
देशका विभिन्न ३८ जिल्ला भ्रमण गरेर ढकालले पार्टीको अवस्थाबारे ३२ पेजको समीक्षा प्रतिवेदन तयार पारेको हुन् ।
पार्टीभित्र छलफल नहुँदै प्रतिवदेन सार्वजनिक गरेको र पार्टीको रणनीति विषयलाई मिडियाबाजी गरेको भन्दै ढकालको महामन्त्री पद ७ दिनका लागि निलम्बनमा छ ।
ढकालले प्रतिवेदनमा ‘सभापतिमाथि नै पहिलो पटक प्रश्न उठ्यो’ भन्दै जनताले उठाएका १० प्रतिनिधिमूलक प्रश्न समेटेका छन् । सभापति नै गृहमन्त्री बनेर सरकारमा गएको विषयलाई जनताले नरुचाएको उल्लेख गरेका छन् । ‘चेसमा रानी धेरै चल्दैन, तर हाम्रो पार्टीमा किन सभापति नै धेरै चलेको ? सभापति आफैँ गृहमन्त्री भएर किन गएको ? सिके राउत जस्तो ब्याकमा किन नबबसेको ?’,उनले प्रतिवेदनमा उल्लेख गरेका छन् ।
समीक्षा_यात्रा_प्रतिवेदन_२०८१०३१२ (1)
