काठमाडौं । नेपाल–चीन सचिवस्तरीय कूटनीतिक परामर्श संयन्त्रको बैठक भोलि बस्दै छ ।
काठमाडौंमा हुने १६ औं बैठकमा आपसी सहयोग, व्यापार, सीमा व्यवस्थापन तथा दुई देशबीचका सम्झौताबारे छलफल हुने छ ।
बैठकमा नेपालकातर्फबाट परराष्ट्रय सचिव सेवा लम्सालले नेतृत्व गर्नेछिन् भने चिनियाँ पक्षबाट विदेश मन्त्रालयका उपविदेशमन्त्री सुन वेइडोङले गर्नेछन् । उनी आज नेपाल आउँदै छन् । उपविदेशमन्त्री सुन नेपालको तीन दिने भ्रमण गर्ने परराष्ट्र मन्त्रालयले जनाएको छ ।
बैठकमा पेश गर्ने एजेन्डा नेपाली पक्षले तयार पारिसकेको छ ।
चीनको सहयोग, व्यापार, लगानी र पर्यटन प्रवद्र्धन, कनेन्टिभिटी विस्तार तथा कृषि, शिक्षा, संस्कृति र जनस्तरको सम्बन्धलगायतका क्षेत्रमा सहयोग सुदृढ गर्ने विषयमा छलफल हुने छ ।
व्यापारमा नेपालबाट राँगाको मासु र हेलेज पनि निर्यात गर्ने, व्यापार तथा भुक्तानीमा विज्ञ समूहको बैठक बस्नेबारे छलफल हुने छ ।
